Disterraus

Disterraus: acontessidas a pustis desembarcu

Is migrantis lompius in Casteddu fiant is arrescataus su 19 de su mesi de martzu, de sa navi spanniola Numancia – scriet s’Ansa.

Su traballu de spriculu de sa politzia at permitiu de agatari a is traficantis de personis a s’acabu de una faina dilicada fueddende cun is migrantis matessi.

Gràtzias a is decradas issoru ant arregortu unus cantu elementus chi ddis ant permitiu de firmari a unus cantus imputaus che a is cuncordadoris de su biaxi.

Unu biaxi de s’ispera chi po unu de is 667 profugus est acabau in unu letu de su Spidali Tzivili de Casteddu.

Est unu piciocheddu somalu de 15 annus, su giovunu migranti lòmpiu giai sconciu in su portu de Casteddu e chi s’est mortu sa noti etotu po nexi de una neumònia.

A pustis de is primus abisitas chi dd’ant fatu in su portu, a su piciocheddu nci dd’aiant acumpangiau a su spidali cun problemas grais a is prumonis e in capas cun s’arrùngia puru.

Mancari is dotoris apant fatu cantu possibili, su coru de su piciocheddu s’est firmau sa noti etotu.

Ddoi at un’àteru disterrau recoverau in su spidali de Is Mirrionis cu sa tisi.

Is atòpus de arrùngia in mesu de is migrantis funt una centena, unus cantus giai sinnalaus de is operadoris sanitarius de sa navi spanniola chi ddus at lassaus in Sardìnnia.

Disterraus: acontessidas a pustis desembarcu | Disterraus: acontessidas a pustis desembarcu

Vedi anche: YouTube \ Facebook \ Streaming TV

Calaseda

Add your comment

Your email address will not be published.