sla

Canale40 la Tv del Sulcis Iglesiente

SLA

SLA, Sportellitu de ascurtu in Asl7 de Carbònia

Unu Sportellitu de ascurtu po is passìentis malàdius de SLA chi siat de agiudu a famìlias e personali espertu imbodiccau: custu in pagus fueddus su resurtu de s’atòbiu, cuncordau de sa Dirigidura de sa Asl7 e de sa Presidèntzia de s’Assòtziu Itàlianu Sclerosi Laterali Amiotrofica, innui s’est fatu su puntu de su modellu nou de pigàda in càrriga de passìentis cun SLA e àteras patològias degenerativas e neuromuscùlaris adotau de sa Asl de Carbònia, s’est fueddau puru de is  prospetivas possibilis de collaborada.

Intentu de su Sportellitu de Ascurtu est de frunniri consulèntzia de badas po is medas bisuras: medica, assistèntziali e legali che a su pedidu de is contributus a sustentu de s’assistèntzia a su malàdiu.

sla
Sa seu at a èssere in sa de Asl de Carbònia cun obertura duas bortas a su mesi, una po su Sportellitu informus e una po su de ascurtu, cun s’aficu po parti de sa Asl de furriari sintzilla s’acostida a sa strutura ponendi postègius dedicaus in sa zona de intrada.
“Cantu bèssiu de cust’atòbiu si podit imperai in su Pranu Formadori de sa sienda, candu si sterrit, at serrau su Dirigidori Generali Antoni Onnis – no at a abarrai nudda sena intentai po chi sa cunditzioni de is passientis SLA, grai siat po issus, siat po is famìlias issoru, tengat dònnia agiudu possibili de is operadoris Asl Carbònia e in particulari de s’Unidadi Operativa de Curas Palliativas e Terapia de su Dolori, chi bolint ponni a fundamentu de is fainas issoru, ainas de sustàntzia chi potzant agiudai a is chi bivint una vida difitzili”.

Scritto da: Giovanna Dessì \ redazione di Canale40

Vedi anche: YouTube \ Facebook \ Streaming TV

Add your comment

Your email address will not be published.